Es diferéncies entre hemnes e òmes encara son notòries en aguest an 2022 ena nòsta societat. Es vesins e vesies dera Val d’Aran tanpòc mos escapam ad aguesta realitat pr’amor qu’a dia d’aué encara se pòden veir fòrça desigualtats en diuèrsi airaus deth nòste territòri.
Mos cau lutar per ua societat mès justa, igualitària e sustot damb volentat de cambi, entà poder auançar e deishar endarrèr actituts deth passat. Vam en ua bona linha, mès, en aguest sens, non podem arturar-mos, senon tot eth contrari, auem de sarrar damb mès fòrça entà que bèth dia totes es nòstes accions de paraula siguen realitats e non s’agen de reclamar en un dia com aguest.
Volem arregraïr a totes es hemnes que trabalhen entara nòsta institucion (que cada dia en son mès e damb mès responsabilitats) entà milhorar era vida des persones de forma dirècta.
E tanben ac tornam a hèr, as representants elèctes deth nòste municipi coma son Lina Fanlo, Henedina Baños, Mari Àngels Ordax, Rosa Montilla, Maria Aran Nieto, Claudia Ramos, Ariadna Farrés, Antonia Martinez, Ester Bruna o Neus Canals en cas deth pròpri ajuntament.
Ètz ua grana referéncia e eth clar exemple qu’èster en lòcs de decision e responsabilitat non ei un ahèr d’òmes.
Des der Ajuntament de Naut Aran èm comprometudi damb aguesta qüestion e auem prepausat tota ua sòrta d’activitats en clau feminista que s’haràn eth 23-24 d’abriu e 7-8 de mai e que vos anonciaram deman madeish.