Dempús de dus ans sense poder amiar-la a tèrme, enguan a pogut tornar era Amassada de Crotzes que mèrque era fin des hèstes majors de Santa Creu de Salardú.
Era tradicion indique que cada crotz de cadua des poblacions de Naut Aran, s’amasse damb eth Sant Crist de Salardú que proven dera glèisa Sant Andreu Salardú, ua talha romanica policromada conservada en aguest temple religiós. Cada 3 de mai, aguesta òbra mèstra gès dera glèisa, entà trapar-se damb totes es creus e estendards des pòbles deth Naut Aran.
Un viatge se tròben totes es creus, accedissen entara glèisa de Salardú e presencien era missa solemna e, en acabar, gessen tara Plaça dera Pica entà benedir eth tèrme.
Aguest acte a supausat eth punt e finau as hèstes majors d’aguesta poblacion un viatge an pogut finalizar totes es restriccions pera crisi sanitària peth coronavirus.
Era ploja a estat presenta pendent era celebracion d’aguest acte mès s’a pogut amiar a tèrme sense cap tipe de problèma.