César Ruiz-Canela revalide era majoria absoluta en Ajuntament de Naut Aran e repetirà coma baile deth municipi.
Damb un totau de 565 vòts, eth grop de Convergéncia Aranesa a artenhut era majoria absoluta damb un totau de 5 còssos, pes 3 qu’aurà eth grop d’Unitat d’Aran damb Marc Tarrau ath capdauant qu’a artenhut 339 vòts e era darrèra fòrça que serà representada en consistòri ei Aran Amassa damb Rosanna Sellart qu’a obtengut un totau de 104 vòts.
Eth PRAG (30 vòts) e VOX (10 vòts) demoren dehòra dera corporacion municipau.
Per tant, eth nau plen der Ajuntament de Naut Aran serà compausat per: César Ruiz-Canela, Anna Geli, David Torres, Andrés España, Marcos Amiell, Marc Tarrau, Josep Canut, Edgar Gerotina e Rosanna Sellart.
Des der Ajuntament de Naut Aran volem felicitar a toti es vesins qu’an participat en tot votar e desirar sòrt as representantes e representants qu’an estat escuelhudi.