“CONDE D’IUÈRN” 2025-26 3ª Edicion de conde cuert infantil en aranés.

17/12/2025

Era Bibliotèca municipau de Salardú e er Ajuntament de Naut Aran convòquen era tresau edicion de Conde d’Iuèrn, qu’a coma objectiu promòir era creacion literària en aranés entre era mainadera, mejançant eth format de comic.

Genre: comic.

Edicion: Tresau edicion dubèrta a mainades e mainatges de 8 a 16 ans.

Prèmi: Guanhador 150 euros. Accèsit 100 euros.

Convòque: Bibliotèca Municipau de Salardú e Ajuntament de Naut Aran.

Eth periòde de recepcion des comics serà des deth 21 de deseme de 2025 ath  20 de març de 2026.

BASES

  1. Eth trabalh presentat a d’èster escrit en aranés.
  2. Requisits des participaires en dues categories:
  • INFANTIL: Neishudi entre es ans 2017 enquiath 2014 (8/11).
  • JUVENIL:  Neishudi entre es ans 2013 enquiath 2009 (12/16).
  1. Tematica: ER IUÈRN EN AN 2076.
  2. Sonque se poderà presentar un comic per autor, eth quau aurà d’èster inedit e non auer estat premiat en concorsi anteriors.
  3. – Es òbres se presentaràn en format DIN A4, per ua cara.
  • Auràn ua extension minima de 2 pagines e maxima de 6.
  • Es pagines seràn numerotades.
  • Se poderàn realizar en blanc e nere o a color.
  • En entitolat a de figurar eth títol dera òbra e eth pseudonim.
  1. Es originaus auràn d’enviar-se per corrèu electronic a biblioteca@nautaran.org damb eth tèma: Conde d’Iuèrn.
  2. En madeish corrèu, cau adjúnher dus documents PDF independents:
  • Un document constarà damb era òbra, eth nòm dera òbra e eth pseudonim.
  • En segon document, es donades personaus: nòm e cognòms, data de neishement, direccion postau, telefon de contacte e corrèu electronic.
  1. Es trabalhs que non complisquen quauqu’un des requisits descriti en aguestes bases seràn desestimadi.
  2. Eth jurat escuelherà eth relat guanhador que optarà ath prèmi. Era decision deth jurat serà irrevocable e se reservarà eth dret a declarar eth prèmi desèrt s’eth jurat compren qu’es trabalhs presentadi non an sufisenta qualitat.
  3. Era comunicacion deth guanhador se publicarà eth 23 d’abriu 2026.
  4. Eth prèmi consistirà en:
  • Guanhador: 150 euros.
  • Accèsit: 100 euros.
  1. Entà recuélher eth prèmi, eth concorsant aurà d’identificar-se damb eth document oportun.
  2. Era participacion en aguest concors supause era coneishença e acceptacion intègra des bases, atau coma era aubedissença des decisions que adòpte eth jurat.
  3. Entà mès informacion: 973 64 55 32.