Naut Aran

Eth municipi de Naut Aran ei plaçat ena comarca dera Val d’Aran, ath nòrd dera província de Lhèida e cònste des nuclèus d’Arties, Bagergue, Baqueira Beret, Garòs, Gèssa, Montgarri, Salardú, Tredòs e Unha. Peth municipi passen es arrius Garona e Noguera Pallaresa e i a crèstes coma eth Tuc de Maubèrme (2880m), eth Montardo (2830m), eth Tuc de Barlonguèra (2802m) e eth Tuc de Bacivèr (2644m)

Mapa

Pòbles

Arties

Bagergue

Baqueira

Garòs

Gèssa

Montgarri

Salardú

Tredòs

Unha

Istòria

Naut Aran ei ena zòna nauta dera Val d’Aran, enes Pirenèus de Lhèida, unica Val de caractèr atlantic qu’apartenh a Espanha. Eth municipi de Naut Aran compde damb 248,9 Km2, eth mès de gran dera comarca , aucupe apuprètz eth 40 % dera Val d’Aran. Limite ath nòrd damb eth departament francés der Arieja, ath sud damb eth Nauta Ribagòrça, ar èst damb eth Palhars Sobirà e ar oèst damb Vielha e Mijaran.

Eth tèrme compren era entèsta der arriu Garona; er arriu de Ruda , damb eth sòn afluent, er arriu d’Aiguamòg; e tanben compren era entèsta dera Noguera Pallaresa, part deth Plan de Beret e era Val de Montgarri.

Salardú , eth cap-lòc deth municipi, se trape ena confluéncia der arriu Unhòla damb era Garona, e compde damb ua altitud de 1268 m. Entorat de crèstes damb nautors importantes, entre es que destaquen eth Maubèrme (2.880 m.), eth Montardo (2.830 m.), eth Barlonguèra (2.802 m.) e eth Baciver (2.644 m.). Des nombrosi lacs que trapam ena Val d’Aran (200 lacs apuprètz), mès dera meitat son laguens deth municipi de Naut Aran, e ne trapam bèri d’ua estenduda e hondaria notables. En circ de Saboredo, se destaque er estanh Major, de 13 A , en Circ de Colomèrs se destaque eth Lac d’Obago, de 12 A , ena zòna de Restanca se destaquen er Estanh de Mar, de 35,8 A , er Estanh Torçut d’Arrius de 30,5 A , e er Estanh d’Arrius de 27 A , ara entèsta der arriu Unhola que subergés eth de Liat damb 27 A.