Carta deth Baile
En prumèr lòc, mostrar as que volgatz coneisher-mos milhor era nòsta destinacion toristica, er encant des nòsti pòbles, des nòstes glèises, es nòstes hèstes populares, era nòsta cultura, era nòsta gastronomia, entre d’auti.
En dusau lòc, aufrir a toti es ciutadans, era possibilitat d’accedir as diferenti servicis entà agilizar es sòns tramits e gestions damb era administracion municipau.
En tresau lòc, e non mens important, a conseqüéncia dera Lei dera Transparéncia, facilitar er accès ara informacion publica e bon govèrn.
Tanben m’agradarie arregraïr a toti es vesins qu’an depausat era sua confidança ena nòsta equipa de govèrn entà servir ad aguest municipi e a toti es vesins en generau, en tot assegurar-les que hèm tot çò de possible entà non fraudar cap des expectatives qu’an depausat en nosati.