Viles Florides pòble d’Arties

ARTIES

Eth nuclèu ancian d’Arties manten es tradicionaus caracteristiques des construccions de pèira e cubèrtes de lòsa. Destaque en punt mès naut era glèisa de Santa Maria d’Arties, deth sègle XII. Se tracte d’un bon exemple dera superposicion de diuèrsi estils: des dera sua nau romanica mès anciana e era esplendida tor gotica de cinc pisi e un gran relòtge, enquias retaules barròcs des sègles XVII e XVIII que se pòden contemplar en sòn interior.

Ath sòn costat i destaque ua auta glèisa, era de Sant Joan, qu’ei un armonic conjunt deth mès pur estil gotic. Eth casc urban compde damb es viuendes renaishentistes mès destacables dera Val d’Aran.

Projècte Florit

Era ornamentacion florau tostemp a estat fòrça presenta en Arties, enes sòns carrèrs e jardins son engalanadi damb diuèrses flors e se hèn concorsi entà incentivar as vesins amiar a tèrme er enflorit des jardins e espacis privats. Des deth consistòri se cèrque sigue un incentiu toristic entara poblacion.

Qualificacion