Viles Florides pòble de Garòs

GARÒS

Plaçat a 1.115 mètres de nautada, Garòs s’emplace en pè dera montanha d’Espiargo, en airau drèt der arriu Garona. Entre es sòns principaus atractius d’aguest petit pòble en destaquen era necropòlis damb rèstes paleocristianes e era glèisa de Sant Julià. D’origina romanica e reformada en sègle XV, compde damb un campanau der an 1619 que emule ua tor de defensa.

Dauant dera glèisa pòt contemplar-se eth bust de Mossèn Jusèp Amiell, òbra dera escultora aranesa Glòria Corona Socasau en reconeishement a tota era trajectòria d’aguesta aunorable vesin de Garòs que, entre d’auti, siguec guardonat damb eth Prèmi Lengua Viua en an 2004, era Medalha d’Aur deth Conselh Generau d’Aran en 2010 e era Cròtz de Sant Jòrdi dera Generalitat de Catalonha en 2012.

Non podetz deishar de visitar era urbanizacion “Pleta de Garòs”, prèmi FAD (Foment des Arts Decoratives) pera sua excellenta construccion d’estil de bòrdes araneses

Projècte Florit

Es carrèrs de Garòs s’aumplissen de colors e vida damb es flors que luden en fòrça endrets d’aguest pòble. Es vesins tanben contribuïssen entà hèr mès beròi era vila en tot guarnir-la damb fòrça suenh es façades, hièstres e balcons.

Qualificacion