Sistema intèrn d’informacion

Er Ajuntament de Naut Aran a implementat un Sistema intèrn d’informacion en conformitat damb era Lei 2/2023, deth 20 de hereuèr, reguladora dera proteccion des persones que informen sus infraccions normatives e de lucha contra era corrupcion.

Eth Canau intèrn de comunicacion ei eth mejan preferent — entà trabalhadors, provededors e d’auti — entà informar sus aqueres accions o omissions que pòden constituïr infraccions penaus o administratives grèus o fòrça grèus. Cau destacar que Er Ajuntament de Naut Aran aufrís era possibilitat que era persona informanta pogue complir eth formulari de manèra anonima, ei a díder, sense auer de facilitar cap dada d’identificacion. En aguest cas, se li assignarà un numèro identificador entath sòn seguiment. Per favor, guarda aguest numèro entà poder consultar en tot moment eth estat dera tua comunicacion.

Eth objectiu dera implantacion d’aguest Canau intèrn d’informacion s’enquadre ena consolidacion dera melhora continua d’Er Ajuntament de Naut Aran, en alineament damb es bones practiques e ena creacion d’instruments que minimizen eth risc dera comission de delictes e/o sancions administratives.

Se facilite era possibilitat de comunicar, a trauès deth Canau extèrn, dirèctament ara Autoritat Independenta der Informant nacionau. Agest Canau extèrn complimente eth sistèma de gestion, aufrint ua via addicionau entà aqueri casi en qué es informants preferissen dirigir-se a ua entitat extèrna.