“CONDE D’IUÈRN” 2023-24 1èra Edicion de conde cuert infantil en aranés.

31/10/2023

Era Bibliotèca municipau de Salardú e er Ajuntament de Naut Aran convòquen era prumèra edicion de Conde d’Iuèrn, qu’a coma objectiu promòir era creacion literària en aranés entre era mainadera, mejançant eth format de conde cuert.

Genre: Conde cuert.

Edicion: Prumèra Edicion dubèrta a mainades e mainatges de 8 a 16 ans.

Prèmi: Guanhador 150 euros Accèsit 100 euros.

Convòque: Bibliotèca Municipau de Salardú e Ajuntament de Naut Aran.

Eth periòde de recepcion des condes serà des deth 21 de deseme de 2023 ath 22 de març de 2024.

BASES

  • Eth trabalh presentat a d’èster escrit en aranés.
  • Requisits des participaires en dues categories:
    1. INFANTIL: Neishudi entre es ans 2011 enquiath 2015 (8/12).
    2. JUVENIL: Neishudi entre es ans 2007 enquiath 2010 (13/16).
  • Tematica: er iuèrn.
  • Sonque se poderà presentar un conde per autor, eth quau aurà d’èster inedit e non auer estat premiat en concorsi anteriors.
  • Es condes an d’auèr:
    1. Ua extension minima de 300 e màxima de 830 mots.
    2. Se presentaràn en format DIN A4, escrit en letra Times New Roman, de còs 12 e enterlinhat 1,5.
  • En entitolat a de figurar eth títol dera òbra e eth pseudonim. 6. Es originaus auràn d’enviar-se per corrèu electronic a biblioteca@nautaran.org damb eth tèma: Conde d’Iuèrn.
  • En madeish corrèu, cau adjúnher dus documents PDF independents:
    1. -Un document constarà damb era òbra, eth nòm dera òbra e eth pseudonim.
    2. -En segon document, es donades personaus: nòm e cognòms, data de neishement, direccion postau, telefon de contacte e corrèu electronic.
  • Es trabalhs que non complisquen quauqu’un des requisits descriti en aguestes bases seràn desestimadi.
  • Eth jurat escuelherà eth relat guanhador que optarà ath prèmi. Era decision deth jurat serà irrevocable e se reservarà eth dret a declarar eth prèmi desèrt s’eth jurat compren qu’es trabalhs presentadi non an sufisenta qualitat.
  • Era comunicacion deth guanhador se publicarà eth 23 d’abriu 2024.
  • Eth prèmi consistirà en:
  • Guanhador: 150 euros.
  • Accèsit: 100 euros.
  • Entà recuélher eth prèmi, eth concorsant aurà d’identificar-se damb eth document oportun.
  • Era participacion en aguest concors supause era coneishença e acceptacion intègra des bases, atau coma era aubedissença des decisions que adòpte eth jurat.
  • Entà mès informacion: 973 64 55 32.