Planvoludi vesins,
Des der Ajuntament de Naut Aran èm conscienti qu’era digitalizacion que viuem afècte a tot eth hilat empresariaue economic deth municipi. Era rapida acceleracion de cambis qu’era tecnologia provòque, mos presente en fòrçaescadences desafiaments que dificulten era nòsta activitat empresariau e economica.
Aué, competim coma destinacion toristica contra quinsevolh punt de quinsevolh part deth mon, situacion quemos exigís èster ena vanguarda dera competitivitat toristica, atau coma economica e empresariau. Mès, aguestatransformacion digitau que viuem tanben mos presente oportunitats qu’auem de saber gestionar des d’ua opticacomunitària e municipau.
En aguest contèxte, era equipa de govèrn der Ajuntament de Naut Aran a creat eth Burèu d’innovacion, Formacione Tecnologia qu’a coma objectiu crear un ecosistèma economic digitau pròpri que mos permete assolidar era linhaestrategica municipau entà crear oportunitats e potenciar era competitivitat deth nòste hilat empresariau.
Aguest burèu met ara disposicion de totes es enterpreses e autonòms que trabalhen en Naut Aran dues linhes deservici completaments gratuïtes. D’ua banda, totes es enterpreses e autonòms damb activitat economica en NautAran, an ara sua disposicion era oportunitat de digitalizar eth sòn negòci gratuïtaments (pagina web, creacion egestion de hilats sociaus, posicionament SEO, creacion d’un burèu virtuau, creacion d’un comèrç electronic,implantacion d’un CRM, tanben d’un ERP e d’auti) que permeterà potenciar era sua activitat, adaptar aguesta asnaues exigéncies deth mercat, atau coma crear naues oportunitats de negòci.
Era dusau linha de servici, tanben gratuïta entàs enterpreses, ei poder formar as sòns trabalhadors en tecnologiesemergentes e crear plans de formacion personalizada, ena matèria que sigue, entà milhorar era qualitat dethservici, era sua competitivitat e eth compde de resultats dera enterpresa. Tanben ei abilitada era formacion destrabalhadors des enterpreses, qu’ei bonificada.
Aguest Burèu, dejà ei en foncionament entà totes es enterpreses e autonòms damb activitat en Naut Aran. Pòdencontactar a trauès des següenti canaus:
Telefon / Whatsapp: 633 123 018
Mail: clubempresainfo@gmail.com
Web/App: https://clubempresa.softr.app
Ath delà, totes es enterpreses e autonòms que se beneficien des servicis que metem ara sua disposicion e seregistren ena pagina web indicada naut, auràn era consideracion de Partner Referent deth Club d’Enterpresa eNegòci. Aguest Club nèish damb eth prètzhèt de crear ua comunitat economica e empresariau fòrta, competitiva eglobau dehòra d’Aran, e qu’age coma epicentre Naut Aran.
Coma membre deth Club d’Enterpresa e Negòci auràs ara tua disposicion era possibilitat de poder créisherprofessionau e empresariaument damb fòrça servicis de valor, completaments gratuïts, que vos ajudaràn apotenciar es dues linhes de servici que metem ara vòsta disposicion e d’autes que se crearàn ath long dethpròplèu an 2024.
Vos convidam a profitar aguesta oportunitat e hèr un pas tà deuant entà milhorar es vòsti negòcis.
Podetz descargar eth document en tot clicar ACIU.