Marcha Nordica Naut Aran
Se comunique a toti es vesins de Naut Aran qu’er ajuntament aufrís un cors anuau e gratuït de marcha nordica, entà descorbir e apréner aguesta activitat fisica, e promòir d’aguesta forma era milhora dera salut damb es beneficis qu’apòrte aguesta tecnica.
Era Marcha Nordica ei de mòda e ei era milhor alternatiua entà gaudir en bona companhia dera natura e er espòrt d’ua forma saludabla.
Eth ‘Nordic Walking’ neishec en Finlàndia enes ans 30 damb eth prètzhèt principau de constituïr un entrenament entà mantier era forma des esquiadors pendent er ostieu.
Auent en compde qu’aufrís nombrosi beneficis entara salut, qu’ei facil de practicar e se pòt amiar a tèrme en quinsevolh lòc, prepausam aguesta activitat entà toti es abitants de diuèrsi grops d’edat deth nòste municipi.
Era activitat serà dirigida per Carles Matas, licenciat en Sciéncies d’Educacion Fisica. Se realizarà dus viatges per setmana. Es gessudes son es deluns des dera poblacion d’Arties (Parquing des Ossi), e es diuendres des dera poblacion de Salardú (Pl. dera Querimònia) damb ua durada de dues ores cadua d’eres.
Session informatiua sus era activitat fisica e era salut: 4 de hereuèr entàs 16:30 en Sala Culturau de Salardú.
Cors teoric e practic de marcha nordica: 11,18 e 25 de hereuèr e 4 de març en Sala Culturau de Salardú.
Aguest cors iniciau serà comun entà toti aqueri que s’inscriuen en Salardú e Arties.
Prumères gessudes: 7 de març entàs 17 ores en Arties e 11 de març entàs 17 ores en Salardú.
Inscripcions: ei obligatòri realizar ua inscripcion per auança, s’a d’aumplir eth següent formulari e enviar-lo ar Ajuntament de Naut Aran mejançant ua instància generica dera sedença electronica.
Tràmit dera sollicitut: instància Generica Naut Aran