Naut Aran artenh en FITUR eth compromís de Paradores de España entara reforma e milhora deth Parador d’Arties e convertir-lo en un espaci de prumèr nivèu e excelléncia.
Ua delegacion deth consistòri formada peth baile, César Ruiz-Canela, era tinent d’alcalde, Anna Geli, eth dusau tinent d’alcalde, David Torres, era bailessa d’Arties e Garòs, Lina Fanlo e eth secretari municipau a assistit a ua amassada estrategica damb era directora de Paradores de España, Raquel Sánchez, damb er objectiu de poder amiar a tèrme accions en Parador d’Arties, modernizar-lo mès e convertir-lo en ua referéncia.
Era trobada a estat tot un succès e s’a artenhut eth compromís per part de Paradores de España d’iniciar actuacions entara sua reforma. Er Ajuntament de Naut Aran assistís ad aguest tipe de hèires internacionaus entà compdar damb portar e dotar ath territòri de naui atractius que potencien era economia locau.