Er Ajuntament de Naut Aran aumente era subvencion ar Institut d’Estudis Aranesi-Acadèmia Aranesa dera Lengua Occitana entara proteccion e difosion der aranés.
Aguest maitin eth baile der Ajuntament de Naut Aran, César Ruiz-Canela, a rebut en sòn burèu ara naua junta der IEA-AALO. Des d’aguest organisme s’a volut presentar ath sòn nau president, Jèp de Montoya, e era rèsta dera composicion, Ròsa Maria Salgueiro e Miquèu Segalàs.
Des der IEA-AALO s’a hèt ua donacion ar Ajuntament de Naut Aran ua còpia de tota era collecion des publicacions hètes pera autoritat dera lengua aranesa en territòri e que se plaçarà ena Bibliotèca de Naut Aran.
Nosati coma ajuntament, aumentam enquias 5.000 èuros era subvencion entà poder protegir e trabalhar encara mès ena difosion dera nòsta lengua.