Naut Aran amie a tèrme òbres en carrèr Barranc dera poblacion de Gessa amassa damb era Entitat Municipau Descentralizada d’aguesta poblacion. En aguest sens, des deth consistòri s’an destinat 47.000 euros ena repavimentacion d’ua superfícia de 215 mètres quarrats damb calada de granit. Ath delà, era EMD de Gessa, a amiat a tèrme era separacion des aigües pluviaus des residuaus entà potenciar eth hilat d’aigua. Damb aguesta actuacion se garantís que toti es carrèrs d’aguest endret siguen en bon estat. Se tracte d’un aute des compromisi dera equipa de govèrn damb toti es sòns vesins.
