Aguesta tarde s’a amiat a tèrme er acte de presentacion dera equipa deth Centre d’Espòrts d’Iuèrn Adaptadi (CDIA) damb era preséncia des principaus patrocinadors e collaboradors d’aguest organisme que lute pera inclosion esportiua.
Naut Aran i a estat representat damb era preséncia deth baile, César Ruiz-Canela, era tinent d’alcalde, Anna Geli e eth President dera EMD de Tredòs, Juanjo España.
”Des d’aguest ajuntament portam 20 ans en tot ajudar ath CDIA a que pogue desvolopar eth sòn projècte des de Salardú e tostemp serà atau mentre i sigam” a explicat eth baile de Naut Aran, César Ruiz-Canela.
Felicitats a totes es persones que hèn possible qu’esportistes damb discapacitat poguen competir e gaudir der espòrt damb es madeishes condicions.