Er Ajuntament de Naut Aran seguís damb eth projècte dera Marcha Nordica dempús dera bona acceptacion qu’a auut pendent es darrères campanhes.
Rebrembam qu’era idèa sorgic gràcies ara iniciatiua de diuèrsi vesins e professionaus sanitaris dera zòna, que reclamauen poder realizar aguest tipe d’activitat entà poder revitalizar fisicaments a persones de totes es edats e evitar problèmes cardiovasculars o d’autes patologies coma era artròsi.
Es gessudes coma ei d’abituda se haràn es deluns des deth parc des ossi en Arties e es diuendres des dera plaça Querimònia de Salardú. Es distàncies que se recorren son d’entre 5,5 km e 7,5 km e er orari serà des 18:00 enquias 20:00.
A cada session de Marcha Nordica i assistís ath torn d’ua dotzea de vesies e vesins que gaudissen des milhors entorns deth territòri dera man deth coordinador e professionau dera activitat.