Deth 25 ath 28 d’gost se hè ena poblacion de Salardú, en Naut Aran, eth Salardú Country Ròck Festival, un des eveniments mès espectaculars a nivèu d’òci e culturaus que se s’amien a tèrme pendent tot er an ena Val d’Aran
Es anteriores edicions s’aueren de suspéner pr’amor dera crisi sanitària deth coronavirus e enguan òc que se poderà hèr sense cap tipe de restriccion d’aforament ne distàncies entà gaudir pleaments d’aguesta hèsta importada des Estats Units.
Eth Salardú Country Ròck Festival compdarà damb era preséncia de granes artistes internacionaus coma Sunny Sweeney e d’autes accions coma workshops, classes d’iniciacion ath country, concèrts, e un recinte heirau plen d’ambient american.
Salardú se convertirà pendent aguesti dies en cap-lòc mondiau deth country e se demore era arribada d’ath torn de 15.000 persones pendent es 4 dies que dure eth hestau
