Er Ajuntament de Naut Aran a impermeabilitzat eth tèt dera sala polivalenta de Naut Aran, plaçada en Salardú, pr’amor que quan ploiguie o nheuaue, se filtraue aigua en aguestes installacions e dificultaue era practica de bèri espòrts.
Eth consistòri, a destinat 18.000 èuros ara subsanacion d’aguest defècte en ua extension de mès de 1000 mètres quarrats. Ath delà, s’a pintat eth tèt d’un color gris qu’armonize damb era decoracion que presente era rèsta deth poliesportiu. Aguestes accions, s’enmarquen laguens deth macro-projècte de renauiment totau d’aguestes installacions.
Eth baile der Ajuntament de Naut Aran, Cesar Ruiz-Canela afirme que “laguens des reformes que hèm en aguest espaci, era impermeabilizacion deth recinte ère ua des nòstes prioritats perqué se produsien gotères damb fòrça freqüéncia e hège qu’eth paviment esguitlesse” Atau madeish, ahig que “aguesta impermeabilizacion mos permeterà practicar espòrt damb tranquillitat aumens pendent es pròplèus 15 o 20 ans”.
En fases anteriores, se destinèren 40.000 èuros a extrèir er arc deth miei que i auie ena part extèrna deth complèx pr’amor qu’obstaculizaue era entrada ath poliesportiu, cambiar es hièstres, e pintar es parets interiores e exteriores de tot eth recinte.
Eth pròplèu pas, serà eth de pintar era pista de color blu, se traçaràn es naues linhes de jòc esportiu e se reharàn per complèt es vestiaris.