Baqueira
Descripcion
Plaçat a 1.500 mètres e damb ua poblacion permanenta de 164 abitants, ei un nuclèu urban de naua formacion a compdar dera creacion dera estacion d’iuèrn Baqueira-Beret, en tot provocar ar entorn des sues instal.lacions un movement urbanistic de grana amplor, damb servicis, infrastructures, apartaments, hotèls,… E damb uns fluxes toristics en determinades epòques der an que pòden incrementar era sua poblacion en 15.000-20.000 abitants.
Dempús dera sua inauguracion, eth 6 de deseme der an 1.964, Baqueira-Beret s’a convertit en ua des milhors estacions deth Pirenèu, damb 165 km esquiables,111 pistes, 3 itineraris, 7 Km de circuit d’esquí nordic,1 Snowpark, 1 Stadium de slalom, 1 Ski Kronos, 1 Boardercross, 1 Funpark, Zòna freeride, 36 remontadors damb capacitat de transpòrt de 61.024 persones. Ath delà, compde damb 660 canons de produccion de nhèu e 15 maquines entara preparacion des pistes
Còta máxima: 2.610m, còta minima: 1.500 m. Desnivèu: 1.110m.
Àrea esquiable: 2.273A.
En estiu Baqueira Beret tanben aufrís es sues installacions, entà poder gaudir deth païsatge, hèr caminades o rotes damb biciclèta. Dempús de Baqueira ges ua pista entà accedir ena Val de Ruda, a on i a es lacs de Saburedo, eth Major e eth Naut, en tot destacar ací era cresta der Arratèr, excepcionau guardader des lacs dera zòna, tanben i a eth Refugi de Saboredo en tot dar servici en estiu e bèri mesi en iuèrn.
A un gran nombre d’establiments: servici medicau, farmacia, comèrç, otèls, restaurants, bars, burèus bancaris,… I a ua glèisa de nau bastiment, e celèbre era hèsta major eth 5 d’agost pera Vèrge des Nhèus.