Gessa
Descripcion
Eth pòble de Gessa (163 abitants) se trape a 1.232 m de nautada, ath pè dera montanha de Corilha e apròp deth barranc de Corilha. Presidís un petit grop de cases era glèisa parroquiau de Sant Pèir, bastissa d’origina romanica fòrça reformada.
Laguens, conserve elements romanics: ua pica baptismal, un dau de pèira e un pè d’autar. Era imatge de Sant Pèir, en centre deth retaule der autar major, ei ua talha policromada des milhors que se trapen ena Val. Tanben i trapam ua vitrina que s’i expose ua interessanta colleccion d’escultures de tèmes religiosi hèti en husta de boix, realizades per Francesc Pont.
I a ua dusau capèla plaçada a 1.800 m de nautada, Sant Marti de Corilha, a on eth dusau dissabte de cada junh se va en romeria. Ena entrada deth pòble e en encrotzament damb eth camin reau que va tà Unha i a ua capèla dedicada ara Mair de Diu de Montserrat.
Entre es cases antigues conservades destaquen “Çò de Ròsa” damb ua notabla torre cilindrica de pèira damb escuts esculpits e en lindau dera pòrta damb er an de bastiment , eth 1589, e era nomentada Çò de Chelina, damb escut de data 1575.
Hestège era sua hèsta major entà San Pere eth 29 de junh