Er Ajuntament de Naut Aran da per començada era campanha publicitària qu’a coma objectiu qu’enes mesi de junhsèga e seteme s’apròpen mès toristes de toti es punts dera geografia espanhòla ath municipi aranés. Er aguest sens, s’an executat ua sèria d’accions entà poder dinamizar era arribada de visitants en aguest territòri en aguesti dus mesi concrètaments, pr’amor que son es que mèns afluéncia de persones i acostume a auer ena Val d’Aran en ostieu.
En totau, eth consistòri a destinat ath torn de 50.000 èuros en un projècte que se base principaument en aufrir as toristes que passen tres nets o mès en otèls dera zòna, abonaments descompde que poguen utilizar entà seguir consumint en Naut Aran.
Es tiquets descompde oscillaràn entre es 5 e es 25 èuros, e es clients poderàn beneficiar-se d’auantatges en restaurants, guides de montanha, supermercats, gasolinères o petiti comèrci coma hormatgeries o botigues de ceramica.
Er objectiu deth consistòri ei eth de poder atrèir mès visitants ad aguesta region dera Val d’Aran entà poder reactivar era economia locau e palliar es efèctes que pogue auer produsit era crisi deth coronavirus.
Segontes eth baile de Naut Aran, Cesar Ruiz-Canela, “volem ajudar a toti es negòcis que siguen dauridi en municipi entà que poguen auer mès clients, e, per tant, dinamizar mès era nòsta economia”.
Aguesta campanha publicitària serà valida sonque entàs mesi de junhsèga e seteme.