Er Ajuntament de Naut Aran a iniciat es òbres de reforma integrau dera escòla infantila de Sant Martí de Gèssa. En aguest sens, s’an destinat des deth consistòri un totau de 85.000 èuros ara reabilitacion des servicis publics entàs petiti estudiants, eth tèrra, eth tet o ua naua illuminacion que milhorarà era experiéncia lectiva entàs escolans e professors.
Abans, dejà s’executèren d’autes accions coma cambiar es hièstres dera escòla o pintar tot eth centre exteriorment.
Er ajuntament, s’a encuedat deth finançament d’aguestes òbres, tot e qu’era competéncia requè en Departament d’Ensenhament dera Generalitat de Catalonha. Dauant era manca d’atencion d’aguesta institucion, s’a decidit realizar aguesta inversion entà que pogue finalizar de cara ar inici deth cors escolar previst de cara a mejans deth mes de seteme.
Segontes eth baile de Naut Aran, Cesar Ruiz-Canela, “auem reabilitat er estudi de Gèssa pr’amor qu’ère eth darrèr que mos mancaue entà restaurar en municipi e ère ua prioritat entara equipa de govèrn. Qu’es mainatges dispòsen d’ues installacions de qualitat tanben ei era nòsta responsabilitat”.
Era escòla Santa Martí de Gèssa acuelh a un detzeat d’alumnes des corsi de P-3 enquia 6º de primària.